Ծրագրի մասին
«Համակարգիչ բոլորի համար» ծրագիրն իրականացվում է Հայաստանի Հանրապետության Էկոնոմիկայի նախարարության, Ձեռնարկությունների ինկուբատոր հիմնադրամի, Հյուլեթ Պակարդ, Յունիքոմփ և Մայքրոսոֆթ ընկերությունների և ԱԿԲԱ - Կրեդիտ Ագրիկոլ բանկի կողմից:
Ծրագրի գլխավոր նպատակներն են`
- ընդլայնել համակարգիչների տարածումը Հայաստանում` ծրագրային փաթեթներով համալրված մատչելի, սակայն ժամանակակից և հուսալի համակարգիչներ գնելու հնարավորություն ստեղծելով Երևանի, ինչպես նաև մարզերի բնակիչների համար,
- նպաստել Հայաստանի ՏՀՏ ոլորտի զարգացմանը` խթանելով համակարգչային տեխնիկայի և ծրագրային ապահովման մշակման շուկաների զարգացումը,
- նախապատրաստել համակարգչային գրագետ կադրեր` նպաստելով նաև Հայաստանում կրթական ընդհանուր խնդիրների լուծմանը,
- խթանել ինտերնետի տարածմանը` բարձրացնելով էլեկտրոնային ծառայություններից օգտվողների թիվը և հիմք ստեղծելով այդ ծառայությունների ներդրմանը կառավարության, գործարար հատվածի, կրթական հաստատությունների շրջանակում, այսպիսով նպաստելով Հայաստանում տեղեկատվական հասարակության ձևավորմանը,
- խրախուսել արտոնագրված ծրագրային ապահովման օգտագործումը:
Ծրագիրը նախատեսվում է իրականացնել երկու փուլով` պիլոտային և հիմնական: Պիլոտային փուլի ընթացքում կփորձարկվեն համակարգիչների տարածման, վաճառքի, սպասարկման, ինչպես նաև ապառիկով ձեռք բերման մեխանիզմները: Համակարգիչներ հնարավոր է ձեռք բերել Երևանում, Գյումրիում և Վանաձորում: Հիմնվելով պիլոտային փուլի արդյունքների վրա` հիմնական փուլի ընթացքում ծրագրի գործունեությունը կտարածվի Հայաստանի բոլոր մարզերով:
«Համակարգիչ բոլորի համար» ծրագրի արդյունքում նախատեսվում է լուծել հասարակության պահանջարկի խնդիրները համակարգիչների օգտագործման և ինտերնետային կապի հասանելիության ուղղությամբ` նպաստելով երկրի տնտեսական զարգացմանը և տեղեկատվական հասարակության ձևավորմանը: