Հարգելի այցելու,
Ողջունում ենք Ձեզ «Համակարգիչ բոլորի համար» ծրագրի պաշտոնական կայքէջում:
Համակարգիչների օգտագործումը և ինտերնետային կապի հասանելիությունը յուրաքանչյուր երկրի տնտեսական զարգացման ամենակարևոր խթաններից են և կարևորագույն նշանակություն ունեն նաև տեղեկատվական հասարակության ձևավորման համար: «Համակարգիչ բոլորի համար» ծրագրի նպատակն է էականորեն բարձրացնել Հայաստանում համակարգիչների օգտագործման մակարդակը` առաջարկելով ծրագրային փաթեթներով համալրված ժամանակակից համակարգիչներ և դրանք գնելու համար վարկավորման արդի լուծումներ:
Ծրագրի պիլոտային փուլը մեկնարկել է դեռևս 2009թ. սեպտեմբերից և հաջողությամբ իրականացվել Երևանում, Գյումրիում և Վանաձորում: Այսօր արդեն մեկնարկում է հիմնական փուլը, որի ընթացքում ծրագիրը հասանելի կդառնա Հանրապետության ողջ տարածքում:
Վճարելով ամսական 10,000 – 20,000 Դրամ` դուք հնարավորություն եք ստանում ձեռք բերել ժամանակակից և որակյալ համակարգիչներ աշխարհի խոշորագույն և ճանաչված համակարգիչ արտադրողներից:
Համակարգիչների տեսականին ընդգրկում է Asus, Dell և Hewlett-Packard ընկերությունների սեղանի և դյուրակիր համակարգիչների մի շարք մոդելներ, որոնց ընտրանին պարբերաբար կթարմացվի և կներկայացվի մեր կայքում:
Ծրագրում ներառված բանկերի կողմից կկիրառվի հատուկ ապառիկի սխեմա՝ առանց կանխավճարի և 24 ամիս տևողությամբ: