Համակարգիչների օգտագործումը և ինտերնետային կապի հասանելիությունը յուրաքանչյուր երկրի տնտեսական զարգացման ամենակարևոր խթաններից են և կարևորագույն նշանակություն ունեն նաև տեղեկատվական հասարակության ձևավորման համար: «Համակարգիչ բոլորի համար» ծրագրի նպատակն է էականորեն բարձրացնել Հայաստանում համակարգիչների օգտագործման մակարդակը` առաջարկելով ծրագրային փաթեթներով համալրված ժամանակակից համակարգիչներ և դրանք գնելու համար վարկավորման արդի լուծումներ:
Ծրագրի ներկա պատկերը հակիրճ՝
- 2009թ. սեպտեմբերի 22-ին մեկնարկած պիլոտային փուլի շրջանակում համակարգիչներ կարելի է ձեռք բերել Երևանում, Գյումրիում և Վանաձորում: Հիմնական փուլում ծրագիրը հասանելի կդառնա հանրապետության ամբողջ տարածքում:
- Վճարելով ամսական 10,000 – 20,000 Դրամ` դուք հնարավորություն ունեք ձեռք բերել ժամանակակից և որակյալ համակարգիչներ աշխարհի խոշորագույն և ճանաչված համակարգիչ արտադրողներից:
- Այս փուլում համակարգիչների տեսականին ընդգրկում է Հյուլեթ Պակարդ ընկերության համակարգիչների մի շարք մոդելներ, որոնց ընտրանին պարբերաբար կթարմացվի և կներկայացվի մեր կայքում:
- ԱԿԲԱ-Կրեդիտ Ագրիկոլ բանկի կողմից կիրառվում է հատուկ ապառիկի սխեմա՝ առանց կանխավճարի և 24 ամիս տևողությամբ: